ลำล่อง พลังสายสัมพันธ์ ครู-ศิษย์ แผนกคอมพิวเตอร์ธุรกิจ 2553
เนื้อร้อง อ.บุญจันทร์ เพชรเมืองเลย 2 / 06 / 2553
โอย…โอย…
ล่ะเดือน มิถุนา มาฮอดแล้ว เสียงแซว ๆ พากัน ม่วน
แผนกคอมพิวเตอร์ธุรกิจ ขอเชิญชวน ผูกสัมพันธ์ ครู-ศิษย์ไว้
เฮาสิได้ เผิ่งไถ่ถาม เด้อ…ละนา…เออ…เออ…เออ…ล่ะนา
ล่ะพี่น้องเอย มีทรัพย์สิน ทั่วแผ่นฟ้า กะบ่ท่อ มีปัญญา ความฮู้ได้ จากครูเพิ่น
ล่ะคอย เป็นผู้ พาเดิน ให้เผชิญ โลกกว้าง ปูทางไว้ ให้ย่างถึง
ล่ะเฮ็ดให้ นักศึกษา นั้นได้ลึ้ง ขึงสัมพันธ์ กันมั่นแก่น
คือสายแลน เสียบต่อพ่วง เป็นย่วงไว้ บ่เสื่อมหาย
แผนกคอมพิวเตอร์ธุรกิจ นั้นได้ เห็นคุณค่า ครูและศิษย์
จึงได้ เนรมิต งานยิ่งใหญ่ ขึ้นวันนี้
*ลูกศิษย์มี ความรู้ ครูเป็นปลื้ม น้ำตาซึม ศิษย์ได้งาน ตามครูฝัน
คอยอบรม บ่มเพาะ สอนทุกวัน สายสัมพันธ์ ครูและศิษย์ เหนือสิ่งใด
ล่ะเมิด พิษลำ ทางสั้น หันทางยาว จ้าวทางล่อง
พอแต่ลำ ทางล่องแล้ว หันหน้าเต้ย เข้าใส่กัน
(เต้ยพม่า) เอ้ามันส์มันส์มันส์มันส์ ๆ วันนี้เป็นวัน สนุกสุขสันต์
ครูศิษย์ เชื่อมสาย สัมพันธ์ ๆ นักศึกษา ร่วมกัน ปองดอง น้องพี่
ร่วมสามัคคี แผนกคอมรวมใจ ๆ
(เต้ยพม่า) ปี 1 ปี 2 ปี 3 ๆ ให้เข้า มาถาม หากคิด สงสัย
ปี 4 ปี 5 เต็มใจ ๆ ร่วมกัน แก้ไข พร้อมช่วย ทุกเมื่อ
ปัญหาถ้าเหลือ ให้ปรึกษาครู ๆ
(ลำเต้ยธรรมดา) ให้เอ็นดู แพงกันกันไว้ แผนกคอม ฮ่วมใจ สัมพันธ์ มั่นแก่น
คนเป็นแสน คันซังกัน บ่รุ่ง บ่รุ่ง โอ้ยบ่รุ่ง บ่รุ่ง ๆ มันสิยุ่ง ตื่มขื่นขม
เอาผสม ครูศิษย์ไว้ ผสานฮัก ฮ่วมใจ เซฟไว้ ในเครื่อง
เป็นเสบียง ไว้ใช้ ยามท้อ พ้อหน้า จั่งฮักกัน น่าละนาเพื่อน ๆ นา ละน่า คุณครู น่า
แผนกคอมฮักกันสัมพันธ์ไว้ สัมพันธ์ไว้ เออ….เออ… ละนา
ไม่มีความคิดเห็น:
แสดงความคิดเห็น