ลำล่อง เทิดไท้องค์ราชินี

ลำล่อง เทิดไท้องค์ราชินี


คำร้อง บุญจันทร์ เพชรเมืองเลย ปรับปรุง 20 /04/53

ประกวดในงาน หมอลำกลอนย้อนยุค ที่ มหาวิทยาลัยราชมงคลอีสานวิทยาเขตขอนแก่น ได้รับรางวัลรอง ชนะเลิศอันดับสอง

(เกริ่น) โอย…โอ้ย…ละนอ …..

ละบุญเอย บุญของไทยเฮานี้ ได้มีองค์ราชินี คอยเบิ่งแง้ง เป็นที่เผิ่ง

ละแม่น หนทางหก กะไปเถิง ประชาชน แซซ้อง เออ…

เซาเดือดฮ้อน แม่นทั่วกัน เด้ละนะ เออ…เออ…โอ้ย…เอย…ละนา

*ละพ่อแม่เอย ความสุข แผ่ทั่วหล้า คงฝนทอง ตกลงมา ฮวยฮาด โหยดาษดื่น

พสกนิกรไทย ล้วนตาซื่น ยืนตั้งหลักอยู่ได้ ย้อนพระองค์เจ้า เฝ้าซ่อยเสริม

ทรงก่อตั้ง ริเริ่ม โครงการใหม่ ตลอดมา

หวังให้ในน้ำ ได้มีปลา ในไฮ่นา ได้มีข้าว พระองค์เจ้า บ่ล่ำกาย

ละบ่ว่า อีสานกลาง เหนือใต้ คอยให้ความ ดอกสำคัญ

ทรงปัดเป่า ความทุกข์ บ่เลือกเผ่าพันธุ์ เชื้อชาติ

พระราชกรณียกิจ บ่เคยขาด ประชาราช ต่างได้เผิ่ง

การศึกษา กะเข้าเถิง เทิงนักเรียน มีความฮู้ ผดุงชาติ ศาสนา

วัฒนธรรม อีสาน บ่อิดล้า ย้อนพระแม่ ยังถามเถิง

ชาวอีสานใต้เทิง คอยเตรียมฮับ นำท่าฟ้อน

มาออนซอน หลายเด้ ยอดพระทัย สมเด็จแม่

ลำภูไท ถวายแท้ พระแม่เจ้า ได้ชื่นชม

ละภูมิปัญญา บ่เคยล้ม อีสานเฮา ปลูกหม่อนหลาย

เป็นพลังภูมิใจ ที่องค์ราชินี้นั้น ทรงบ่เหลียว กายข้าม

ทรงอุ้มชู้ โครงการ ใหม่ไทยแท้ ฮู้ทั่วถิ่น

ซุมฝรั่ง เขาได้ยิน ต่างหลั่งไหล มาขอซื้อ ฮอดฮั้วบ้าน เฮ็ดส่งเขา

องค์สมเด็จ พระราชินีเจ้า สมเป็นพระแม่ ของแผ่นดิน เด้หนอ

เปรียบคืนฝน หลั่งริน ฮวยชุ่ม ทั่วแดนด้าว

ผองชาวไทย ทั่วหล้า มีผลาผล กินทั่วถิ่น

สัตว์น้อยใหญ่ เด้อบ่สิ้น ผืนป่าน้ำ บ่ลึปสูญ

ธรรมชาติ บ่ขาดดุ้น ฟื้นฟู ตามสมัย

ด้วยพระราชหฤทัย คอยซอยเสริม และเติมแต้ม

ละแถม ยั่งถึงใจ ไพร่ฟ้า ผูกมัดใจ ชาวประชา ด้วยเมตา อันล้น ลื่น

ชาวประชา เฮาได้ชื้น มีองค์ราชินี ปกครองบ้าน

ใจไทยนั้น บ่บินเสีย ขวานไทยนั้น บ่บินเสีย เออ…เออ…เออ…โอ้ย…เออ…เออ…ละนา

(เต้ยพม่า) พระแม่ ของแผ่น ดินไทย เป็นศูนย์ รวมใจ ของไทย ทั้งผอง ๆ

โครงการ มากมาย กายกอง ประชาชน อิ่มท้อง รุ่งเรือง มีสุข

ปราศจาก ความทุกข์ เหล่าประชา อยู่เย็น ใจกาย

อิ่มท้อง สุขสำบาย หนี้สินหาย ความจนหดหนี ๆ

(เต้ยพม่า) ไพร่ฟ้า ประชาสุขสันต์ ส่งใจทุกวัน ร่วมกันถวาย ๆ

ให้พระองค์ มีพระวรกาย พลานามัย สุขเกษมเปรมปรีย์

ขอให้องค์ราชินี นั้นพระองค์ ทรงพระเจริญ

ไพร่ฟ้า ขอสรรค์เสริญ ด้วยน้ำพระทัยแห่งบารมี ๆ

(ลำเต้ยพม่า) หนทางมี บ่อนคดเลี้ยว ชาวประชา สำคัญกว่า

เหลียวไปขวา หรือว่าแม่น ฝั่งซ้าย บ่มีถิ่ม แม่นห่างหนี

องค์ราชินี พระทัยกว้าง ห่วงดวงใจ ทุกเขตถิ่น

เหงื่อไหลริน แม่นบ่เคยย้อมแพ้ ช่อยดูแล ปกครองไพร่ฟ้า ชาวไทยได้ ต่างห่วงถึง

เฝ้าคณึง ยึดมั่น เอาเส้นใหม่ โฮมกัน ท่อเป็นผืนใหญ่

มอบส่งไป ถวายสมเด็จแม่ ผู้บ่แพ้ แก่สิ่งใด๋

เด้ละหนา พระแม่หนา ๆ ละหนา พระแม่หนา ๆ

มิ่งขวัญชาวประชา คือพระแม่ ๆ