เพลง ฟ้อนฮีตสิบสอง
คำร้อง/ทำนอง อ.บุญจันทร์ เพชรเมืองเลย 16 มค. 53
(เกริ่น) ล่ะฮีตสิบสอง โบราณเว้า กฎอีสานของเฮา ยังสืบทอด คงคุณ เอ้อ…เออ…เอ่อ…เออ…เออ…ค่า ล่ะตั้งแต่ปู่สังไคสา ตั้งแต่ย่าสังไคสี เพิ่นพาถือแต่เก่าพุ้น บ่มีเสี่ยง แม่นลึปสูญ
ล่ะประเพณีบ่ขาดดุ้น ชาวอีสานยังนับถือ สิบสองเดือนนั้นกะคือ ฮีตสิบสอง เอ้อ…เอ่อ…เออ…เออ…อีสานแท้ เอ้ย…ล่ะนา
(เพลง)
(ฮีต 1) พอถึง/เดือนอ้าย สงฆ์ทั้งหลาย/ต่างเข้า/อยู่กรรม
จำศิล/ฟังธรรม บุญเข้ากรรม/มีมา/ฮีตนี้
ธรรมเนียม/เพิ่นถือ หากแม่นดื้อ/เข็ญข้อง/สิมี
ขอบุญ/บารมี เทพเทวา/เทิงฟ้า/อภัย
(ฮีต 2)พอถึง/เดือนยี่ ในคองนี้/แม่นบุญ/คูณลาน
โฮมกัน/เดิ่นบ้าน ข้าวเปลือกทาน/ศรัทธา/ด้วยใจ
อย่าไล/คองนี้ ประเพณี/บุญกอง/ข้าวใหญ่
ฮ่วมกัน/ถวายให้ แด่สงฆ์เจ้า/บุญหลาย/เอานี่
(ฮีต 3)พอเดือน/สามคล้อย ลมวอย ๆ/เอาข้าว/มาปั้น
ชาวบ้าน/โฮมกัน ผูกสัมพันธ์/เฮ็ดบุญ/ข้าวจี่
จัดแจง/ถวาย สังฆเจ้า/ฮ่วมเฮ็ด/สุปี
หากธรรม/เนียมจั่งซี้ มีจริงแท้/สืบมา/แต่ก่อน
(ฮีต 4)เดือนสี่/โฮมบ้าน เข้าเฮ็ดทาน/บุญ/มหาชาติ
ฟังลำ/อย่าพลาด อดีตชาติ/เผวส/สันดร
ประดับ/ธงทิว ปลิวไสว/เทิ่งแห่/กัณฑ์หลอน
เฮ็ดข้าว/นำพัน/ก้อน ม่วนออนซอน/แหล่นาง/มัทรี
(ฮีต 5)เดือนห้า/เมือบ้าน นำเอาขัน/ใส่น้ำ/อบไว้
มาลา/ดอกไม้ ถวายให้/สงฆ์เจ้า/ทุกปี
มหา/สงกรานต์ ชาวอีสาน/จัด/ประเพณี
ฮดน้ำ/กับน้องพี่ สรงกรานต์นี้/ขอพร/ผู้แก่
(ฮีต 6)โอเฮาโอ โอพวกฟ้อนเฮาโอ ขอเหล้าเด็ด/ให้นำข่อย/จักโอ
ขอเหล้าโท/ให้นำข่อย/จักแก้ว แม่นได้แล้ว/สิเซิ้งแห่/บั้งไฟ
บั้งไฟไผ๋/บ่ขึ้น/เทิ่งฟ้า ตกลงมา/จับโยน/ลงตม
บุญบ่สม/ฮอดพระยา/แถน บั้งไฟแล่น/ไผ๋ขึ้น/เทิ่งฟ้า
บุญผลา/ฝนสิตก/หลายห่า บวงสรวง/พญาในบุญ/เดือนหก
โอเฮาโอ โอพวกฟ้อนเฮาโอ
(ฮีต 7)พอเดือน/เจ็ดแล้ว ให้มีแนว/พาแปลง/บ่อนฮ้าง
ไฮ่นาป่าท้าง ซ่อยแปลงสร้าง/เฮ็ดบุญ/ชำฮะ
(ฮีต 8)พอเดือน/แปดเถิง เข้าพรรษา/กิเลส/ลดละ
บวชเฮียน/อุตสาหะ ฟังธรรมมะ/เข้าวัด/จำศีล
(ฮีต 9)พอถึง/เดือนเก้า บ่ายเอาข้าว/มาห่อ/ล่อปั้น
วางนำ/ดินนั้น เอิ้นว่าบุญ/ข้าว/ประดับดิน
(ฮีต 10)เดือนสิบ/มาฮอด บุญข้าวสาก/ทานให้/เปรตกิน
ซุมน้ำ/ตาไหลริน ทุกข์ยากสิ้น /คอยบุญ/ส่งหา
(ฮีต 11)เดือนสิบ/เอ็ดนี้ โบราณมี/เฮ็ด/ผาสาทเผิ้ง
สามเดือน/มาเถิง พระสงฆ์เจ้า/สิออก/พรรษา
(ฮีต 12)พอเดือน/สิบสอง ฮ่วมฉลอง/บุญกฐิน/ผ้าป่า
หวนคืน/บ้านนา หนุ่มสาวมา/เอาบุญ/นำกัน
ไม่มีความคิดเห็น:
แสดงความคิดเห็น