เพลง ฟ้อนเต้ยเกี้ยวสาว ม. ภาค ฯ (มหาวิทยาลัยภาคตะวันออกเฉียงเหนือ)

เพลง ฟ้อนเต้ยเกี้ยวสาว ม. ภาค ฯ (มหาวิทยาลัยภาคตะวันออกเฉียงเหนือ)


คำร้อง บุญจันทร์ เพชรเมืองเลย

ทำนอง ลำเต้ยพม่า 21 มีนาคม 53



(ชาย) นวลน้องขาวผ่องแก้มใส เป็นลูกสาวใครแม่ยอดชู้

นวลน้องขาวผ่องแก้มใส เป็นลูกสาวใครแม่ยอดชู้

โอ้แม่โฉมพธู พี่อยากรู้อยากเคียงคนดี

ฮักอ้ายเหมือนหัวปลี เปรียบกล้วยมีเครือเดียว

หญิงอื่นพี่ไม่แลเหลียว รักน้องคนเดียวรอน้องตกลง ๆ

(หญิง) คำพูดชายมีเป็นโหล ยกสระโอให้พี่คนเดียว

คำพูดชายมีเป็นโหล ยกสระโอให้พี่คนเดียว

ขี้โม้โลโซหาเที่ยว ปานอึ่งยางเกี้ยวหาคู่เต็มท่ง

น้องเพลอตอบตกลง นั้นก็คงไม่พ้นน้ำตา

เหมือนผ้าแพรมนไร้ค่า พอเปื่อยขาดมาอ้ายก็ทิ้งไป ๆ

(ชาย) ไม่จริงหรอกนะแก้มใส ได้ยินจากใครไม่ใช่แน่นอน

ไม่จริงหรอกนะแก้มใส ได้ยินจากใครไม่ใช่แน่นอน

พี่นี้รักโฉมบังอร เหมือนดังภมรรักดงดอกไม้

ถึงชีพจะสลาย คำพูดจากชายปานหินหนักหมื่น

ตกน้ำไม่ไหลลื่น เคลื่อนย้ายเป็นอื่นนิ่งเหมือนใจชาย ๆ

(ชาย)(ลำเต้ยธรรมดา) แม่นผู้ใดซ่างพาเว้า พานางเอาคำเว้ามาซ่า

สัจจะชายสูงซ่ำแผ่นฟ้า แผ่นฟ้า โอ้ยแผ่นฟ้า บ่มีได้สิต่ำลง

ใจประสงค์ยึดมั่น สัญญาใด๋กะบ่เคยถิ่มป่อน

เฝ้าออนซอนแต่นางสุมื้อ บ่มีได้สิหน่ายลง

ใจประสงค์แท้แล้ว น้องเป็นมันแกว อ้ายสิขุนก่น

คั่นน้องเป็นโพนอ้ายสิอ้อมฮั้วไว้ บ่มีให้ไผ๋ก่นเถิ่ง นั้นหละหน่าหนานวลหน่า ๆ

ขาวนวน ๆก๊ะตาเอ่ย ขาวนวน ๆ ก๊ะตาเอ้ย







(หญิง)(ลำเต้อธรรมดา) โอ้ยละพี่ชายเอ้ย ๆ คั่นแม่นใจอ้ายผ่าได้ น้องอยากเอาออกมาเบิ่ง

ย่านแต่ใจอ้ายมีหลายลิ้น หลายลิ้น โอ้ยหลายลิ้น หลายลิ้น เทียวหยอกแต่ผู้สาว

เว้ามือซาวประสงค์สร้าง ทางนาดอนอ้ายบ่ทันซ่าว

ให้นอนหนาวอยู่กะต๊อบน้อย ๆ เบิ่งหิงห้อยอยู่ยั่งคืน

บ่ได้ฝืนใจเว้า เอาความจริง ดอกมาว่า

อ้ายสัญญาดั่งคำเว้าได้ สิเอาให้แม่นใจนาง คั่นแม่นบุพเพสร้าง แสนสิไกลกะตามซ่าง

ถึงสิย่างข้ามสิบแม่น้ำ ถึงสิลอยซาวสิบแม่น้ำ คงสิได้แม่นฮ่วมกัน

นั้นล่ะนานวน ๆ น่า ละนา นวล ๆน่า

ให้ดั่งจริงสัญญาไว้ ไผลืมไวให้เป็นฮ้าง ๆ

(ชาย) เอ้าลาลาลาลา พวกเราต้องลากันก่อนแล้ว

เอ้าลาลาลาลา พวกเราต้องลากันก่อนแล้ว

ขอให้ทุกคนคาดแคล้ว ภัยอันตรายไร้ทุกข์โรคา

มื้อหน้าสิมา ตามสัญญาที่ให้ไว้

ม.ภาค ฯ ลำเต้ยน้องใหม่ แฟนหญิงแฟนชาย ช่วยเอาใจเชียร์

(ชาย)(ลำเต้ยธรรมดา) เอาใจเฟียเคียงแฟนไว้ ผิดพลาดแนวใด๋ อภัยไว้ก่อน

อายุยังอ่อนลำยังบ่ลื่น ไหลเหลี้ยวคือแม่โขง

เฮาดำรงยึดมั่น วัฒนธรรมฮ่วมกัน อีสานแท้แต่ก่อน

ผู้เฒ่าเกิดก่อนอุ้มชูหนุนไว้ ให้เฮาได้ฮ่วมฮักษา

ม. ภาค ฯ มามื้อนี้ ศิลปะเฮามีลำเกี้ยวหาคู่ เฮาอยากสิอยู่ดำรงสืบไว้

ให้แฟนได้ม่วนสุขสรรค์ นั้นละหนา แฟน ๆ น่า ละหนาแฟน ๆน่า

ม.ภาค ฯ ลาไปก่อนแล้ว ๆ ม.ภาค ฯ ลาไปก่อนแล้ว ๆ