เพลง สรภัญญ์ ม. ภาค ฯ
คำร้อง อ.บุญจันทร์ เพชรเมืองเลย ทำนอง สรภัญญ์ 14 มีนาคม 2553
1. บทบูชา (ไหว้ครู)(เสียงโหวด)
มาลาดวงดอกไม้ มาลาดวงดอกไม้ มาตั้งไว้เพื่อบูชา
บูชาแด่พระพุทธ บูชาแด่พระพุทธ ผู้ได้ตรัสรู้มา
บูชาแด่พระธรรม บูชาแด่พระธรรม ที่แนะนำพร่ำสอนมา
บูชาแด่พระสงฆ์ บูชาแด่พระสงฆ์ ผู้ดำรงพระวินัย
บูชาครูอาจารย์ บูชาครูอาจารย์ ที่ซืนซมแซซ้องมา
บูชาองค์ภูมิพล บูชาองค์ภูมิพล ขอน้อมเกศเกษา เทอญ
2.บทนำ
สรภัญญ์ ม. ภาค ฯ เฮา มื้อนี้เอา/ เรื่อง/อีสาน
ขอนแก่น/มาขับขาน ให้สะท้าน/ดังลือ/ไกล ๆ
เสียงแคน/แตร่/แล่น/แตร่ บอกน้องแหน่/แคนผู้/ใด๋
สิเอิ้น/เดินดึง/ให้ มาเป่าใส่/สรภัญญ์ ๆ
สิบนิ้ว/นบพนม ขอกราบก้ม/เทพ/สวรรค์
ต้นโพธิ์/ล้อมไทร/นั้น บูชากัน/นับถือ/มา ๆ
ขอแฟน/เทิงหญิง/ชาย ทุกข์ทั้งหลาย/ให้ถิ่ม/สา
สรภัญญ์/ม.ภาค ฯ/มา สิขอพา/แฟนไป/ม่วน ๆ
3 บทเดินเรื่อง
ดอกคูณ/เมืองเสียง/แคน เหลืองทั่วแดน/ยาวเป็น/สวน
ออนซอน/เด้ขบวน แห่สงกรานต์/ถนน/ข้าวเหนียว ๆ
กำเนิด/เกิด/หมอลำ วัฒนธรรม/นั้นแน่น/เหนียว
บ่อึด/แต่คน/เทียว แวมายาม/เทียวถาม/ข่าว ๆ
โปงลาง/ทางขอนแก่น งามอ่อนแอ่น/ฟ้อนผู้สาว
ออนซอน/เด้ผู้บ่าว ยืนถ้าเบิ่ง/สาวเอว/อ่อน ๆ
ลือเลื่อง/แม่นผ้าไหม ประทับใจ/ชาวเมืองขอน
งานไหม/คนออนซอน ต้อนกันมา/เที่ยวยาม/เบิ่ง ๆ
ไดโนเสาร์/ดึกดำบรรพ์ อัศจรรย์/คั่นไปเถิง
บุญหลาย/คั่นได้/เบิ่ง หลายเกินครึ่ง/ของดี/เฮา ๆ
4. บทออนซอน
บัดนี้/จะได้/กล่าว ถึงเรื่องราว/พาใจ/เหงา
คึดนำ/แต่ผู้บ่าว สัญญาเว้า/ฮักบ่/จาง ๆ
เดือนเพ็ญ/สาดแสง/ส่อง อ้ายนั่งจ้อง/น้องบ่/ห่าง
คึดเห็น/แต่กอง/ฟาง น้องนั่งข้าง/อ้ายเคียงคู่ ๆ
มื้อนี้/บ่เหลือ/ไผ ทุกห้องใจ/น้องขาด/หมู่
นางอั้ว/ขาดขูลู ยังบ่สู้/น้องขาด/อ้าย ๆ
สิบปี/กะสิถ้า ซาวพรรษา/กะบ่/หน่าย
คั่นบ่/ได้เห็น/ชาย เห็นแต่ปลาย/ซานยังดี ๆ
ซ่างมา/ปลูกผักแป้น แทนหนานผัก/บั่วอีหลี
ของเก่า/นั้นบ่ดี อ้ายมาปลูก/ผักใหม่/แทน ๆ
ตั๊วะว่า/ให้นาง/คอย เว้าเกินร้อน/เกือบแปะ/แสน
เชื่ออ้าย/ย่านเฒ่าแทน หายมิดแจ่น/ซ่างมา/ตั๊วะ ๆ
5. บทลา
พวกดิฉัน/มามื้อนี้ เสียงบ่ดี/ขออภัย
มื้อหน้า/พ้อกันใหม่ สิรับใช้/แฟนมิ/หน่าย
สรภัญญ์/ม.ภาคฯ /เฮา สินำเอา/ลำหลาก/หลาย
มาต้อน/แฟนหญิงชาย ให้คลายทุกข์/ม่วนชื่นใจ
บัดนี้/ได้เวลา ต้องขอลา/พ้อกัน/ใหม่
สิบนิ้ว/พนมไหว้ เทพเทวา/คุ้มครองแฟน
ไม่มีความคิดเห็น:
แสดงความคิดเห็น